कोहलपुरमा नाबालिकालाई सामुहिक बलात्कार गर्ने ५ जना पक्राउ

नेपालगन्ज। जिल्ला प्रहरी कार्यालय बाँकेले नाबालिकालाई सामुहिक बलात्कार गर्ने ५ जनालाई पक्राउ गरेको छ।

असोज २७ र २८ गते कोहलपुर-११ सुर्खेत रोडस्थित एक होटेलमा एक नाबालिकालाई सामुहिक बलात्कार गरेको सूचना पाए पश्चात् इलाका प्रहरी कोहलपुरको टोलीले ५ जनालाई पक्राउ गरेको जिल्ला प्रहरी कार्यालय बाँकेले जनाएको छ।

नाबालिकालाई बलात्कार गर्ने बाँकेको बैजनाथ गाउँपालिका-१ करेलीका निशान रोकाया, सोही स्थानकै डम्मर बहादुर रोकाया, सोही गाउँपालिकाको वडा नम्बर १ कै गाभर बस्ने निर्मल थापा, बिजय कार्की र  करेलीका जिबन रोकायालाई प्रहरी पक्राउ गर्न सफल भएको जिल्ला प्रहरी बाँकेले जानकारी दिएको छ।

उनीहरुलाई इलाका प्रहरी कोहलपुरको हिरासतमा राखेर घटनाबारे थप अनुसन्धान गरिरहेको बाँके प्रहरीले जानकारी दिएको छ।