तुलसीपुरको साततलेमा भयानक जीप दुर्घटना, दुईको मृत्यु हुँदा ३ गम्भीर घाइते

दाङ । दाङको तुलसीपुरको उत्तरमा रहेको साततलेमा भयानक जीप दुर्घटना हुँदा दुई जनाको मृत्यु भएको छ।

सल्याननबाट तुलसीपुरतर्फ आइरहेको रा१ज ८२२ नम्बरको जिप तुलसीपुर–३ साततलेमा आज बिहान दुर्घटना हुँदा दुई जनाको मृत्यु भएको छ । 

मृत्युहुनेमा दङ्गीशरण गाउँपालिका–४ बैबाङका २२ वर्षीय हीरामणि बुढामगर र सल्यानको कपुरकोट गाउँपालिका–६ का १९ वर्षीय सुरेश खड्का रहेका  छन् । 

इलाका प्रहरी कार्यालय तुलसीपुरका प्रहरी निरीक्षक प्रकाश थापका अनुसार दुवै जनाको राप्ती प्रादेशिक अस्पतालमा उपचारको क्रममा मृत्यु भएको हो  । 

उनका अनुसार जिप सडकबाट करिब तीन सय मिटर तल खसेको थियो । जिपमा पाँच जना सवार थिए । जिपमा सवार तीन जना गम्भीर घाइते रहेको प्रहरीले जनाएको छ ।