प्रहरीलाई आक्रमण गर्ने रास्वपाका ८ जना पक्राउ

कास्की । प्रदर्शनका क्रममा प्रहरीलाई आक्रमण गर्न थालेपछि पोखरामा राष्ट्रिय स्वतन्त्र पार्टी (रास्वपा) का ८ जना कार्यकर्ता पक्राउ परेका छन् । 

सहकारी ठगी र संगठित अपराध कसुरमा गत कात्तिक २ गते प्रहरीले रास्वपा सभापति रवि लामिछानेलाई पक्राउ गरेर पोखरा ल्याएको थियो।

सभापति लामिछाने पक्राउको विरोधमा प्रदर्शन गर्ने क्रममा आज निषेधित क्षेत्रमा रहेका प्रहरीमाथि आक्रमण गर्न थालेपछि प्रहरीले पक्राउ गरेको हो।

यसअघि प्रहरीले प्रदर्शनकारीमाथि ४ राउन्ड  अश्रुग्यास प्रहार गरेको थियो।