सुर्खेतको देउतीबज्यै मन्दिरकी पुजारी मृत भेटिइन्

सुर्खेत । सुर्खेतस्थित देउतीबज्यै मन्दिरकी पुजारी सरस्वती राजी मृत अवस्थामा फेला परेकी छिन् । सुर्खेतको देउतीबज्यै मन्दिरकी पुजारी मृत फेला परेकी छन् ।

पुजारी सरस्वती राजी आज बिहान मन्दिरको मूल ढोकामा घाँटीको पासो लागेको अवस्थामा मृत फेला परेकी हुन् ।

जिल्ला प्रहरी कार्यालय सुर्खेतका अनुसार आज बिहान पौमे ६ बजे पुजारी मृत फेला परेको जानकारी स्थानीयले दिएका थिए । त्यसपछि प्रहरी टोली पुगेर मुचुल्का उठाएको थियो ।

उनको शव पोष्टमार्टमका लागि पठाइएको र अनुसन्धान भइरहेको सुर्खेत प्रहरीले जानकारी दिएको छ। मृत्युको कारण पोष्टमार्टम रिपोर्टपछि थाहा हुने प्रहरीले जानकारी दिएको छ।