डडेल्धुरामा जीप दुर्घटना हुँदा २ महिलाको मृत्यु,४ जना गम्भीर घाइते

डडेल्धुरा । डडेल्धुरामा भएको जीप दुर्घटना हुँदा २  जनाको मृत्यु भएको छ । कञ्चनपुरको दैजीबाट परशुराम नगरपालिका आउँदै गरेको जीप परशुराम नगरपालिका–९ स्थित दैजी–जोगबुढा सडकखण्डको लिप्नामा आज दुर्घटना हुँदा २ जना महिलाको मृत्यु भएको हो । 

इलाका प्रहरी कार्यालय जोगबुढाले दिएको जानकारी अनुसार महेन्द्रनगरबाट सलेता आउँदै गरेको लु१ज ४५७९ नम्बरको जीप सडकबाट ३० मिटर तल खसेको हो । 

दुर्घटनामा ७ जना घाइते भएका छन् । तीमध्ये गम्भीर अवस्थामा रहेका ४ जनालाई उपचारका लागि धनगढी लगिएको र घटनाको विवरण आउन बाँकी रहेको प्रहरीले जानकारी दिएको छ । 

प्रहरीका अनुसार मृतक दुई महिला र घाइतेहरुको पहिचान खुल्न बाँकी रहेको छ।