न्युजिल्याण्ड पठाउने भन्दै लाखौं रुपैयाँ ठगी गर्ने युवती पक्राउ

काठमाडौं । बेरोजगार रहेका युवायुवतीलाई आकर्षक तलबको प्रलोभनमा पारेर न्युजिल्याण्ड लैजाने भन्दै रकम ठगी गरि फरार भएका एक युवतीलाई प्रहरीले पक्राउ गरेको छ।

काठमाडौं उपत्यका अपराध अनुसन्धान कार्यालयको टोलीले न्युजील्याण्ड पठाउने भन्दै लाखौं रुपैयाँ ठगी गरेर फरार भएका ओखलढंगाको सिद्धीचरण नगरपालिका-४ घर भई हाल भक्तपुरको मध्यपुर ठिमी बस्दै आएका २४ वर्षीया नबिना दाहाललाई पक्राउ गरेको हो।

नबिनाले न्युजिल्याण्ड लैजाने भनेर युवायुवतीसँग लाखौं रुपैयाँ ठगी गरेर सम्पर्कविहीन भएपछि जाहेरी परे पश्चात् अपराध अनुसन्धान कार्यालयको टोलीले खोजतलास गर्ने क्रममा उनलाई सिनामंगलबाट पक्राउ गरिएको एसपी काजीकुमार आचाले बताए।

एसपी आचार्यका अनुसार नबिनालाई आबश्यक कारबाहीका लागि वैदेशिक रोजगार विभाग ताहाचल पठाइएको छ।