खैरो हेरोइनसहित ३१ वर्षीय युवक पक्राउ

झापा। लागुऔषध नियन्त्रण ब्यूरोको टोलीले खैरो हेरोइनसहित ३१ वर्षीय युवकलाई पक्राउ गरेको छ।

ब्यूरोको टोलीले मकवानपुरको थाहा नगरपालिका घर भएका ३१ वर्षीय आशाकाजी तामाङलाई झापाको मेचीपुलबाट ६४० मिलिग्राम खैरो हेरोइनसहित पक्राउ गरेको जनाएको छ।

तामाङलाई भारतबाट रिक्सा चढेर नेपाल आउँदै गर्दा मेचीपुलबाट पक्राउ गरेको लागुऔषध नियन्त्रण ब्यूरोले जनाएको छ।

पक्राउ परेका तामाङलाई जिल्ला प्रहरी कार्यालय झापाले लागुऔषध कसुरमा थप अनुसन्धान गरिरहेको जानकारी दिएको छ।